Noticias

Durante varias xornadas repartidas nos meses de xuño e xullo as mariscadoras a pé da Confraría retiraron algas de arribazon da praia de Paredes, principalmente ulva e enteromorpha. As algas almacenadas son retiradas definitivamente polo Concello de Vilaboa que colabora de xeito altruista co proxecto. 

A Consellería do Mar e a Confraría de Pescadores "Virxe do Carme" de Arcade acaban de asinar un convenio dotado con 342.945,46 euros, cofinanciados polo FEMPA, que inclue a realización de tarefas de restauración de hábitats, sementeiras, control e loita contra depredadores, accións de protección medioambiental dentro da Rede Natura 2000, vixilancias… cun área de actuación que comprende dende a caseta do Ceboleiro ata a pedra dos Caralletes na que se situan os bancos marisqueiros intermareais asociados ao Plan de coxestión de marisqueo a pé da entidade. 

O venres 3 de xullo, ás 10 h na Aula do Mar da Confraría de Arcade, terá lugar a Xornada de difusión dos resultados do proxecto Xestionando o marisqueo. 

Onte as persoas mariscadoras a pé da Confraría comezaron coas actividades do Plan de restauración para o período comprendido entre xuño de 2026 e maio de 2027. A tarefa realizada nesta primeira xornada do Plan foi a retirada de restos orgánicos e inorgánicos da praia e punta Muxeira. Na mesma participaron 23 persoas entre as horas que o permitiu a marea: 9:30 a 12:30.

O pasado venres 21 de novembro, dentro da campaña de sensibilización para os profesionais do mar da Deputación de Pontevedar, a Confraría de Pescadores de Arcade amosou os resultados do proxecto Sen Lixo. Confraría de Arcade contra o lixo mariño. Xuntase programa da xornada.

O pasado día 31 de outubro, na sala da Aula do Mar da Confraría de Arcade, na lonxa, tiveron lugar as xornadas divulgativas previstas para este 2025. A primeira relacionada coa xestión dos bancos marisqueiros, a segunda relacionada co lixo mariño e a solución atopada polas persoas mariscadoras a pé da entidade para loitar contra o mesmo, e a terceira acerca de situación actual da ostra plana en Arcade. 

Grazás as persoas que a pesares das condicións climatolóxicas adversas asistesteis ás presentacións. 

Este tipo de actividades continuarán no futuro, e como se fixo nesta ocasión se comunicarán tanto nesta web como nos locais sociais da contorna.

O próximo 31 de outubro comenzarás as actividades formativas e divulgativas do Aula do Mar. Nesta ocasión tratase de charlas dirixidas ao público en xeral e relacionadas con temas tan relevantes como a xestión dos bancos marisqueiros, a contaminación mariña e a situación da ostra plana en Arcade. O acceso é gratuito ata completar o aforo

O pasado día 11 de xullo, no salón da Federación Provincial de Confrarías de Pontevedra, tivo lugar a Xornada de difusión de resultados do proxecto Xestión. Tivemos a honra de que á mesma asistese a nova DIrectora Xeral de Desenvolvemento Pesqueiro á que pudimos trasladar as nosas inquedanzas. 

O pasado venres día 30 de maio alumnos de infantil do CEIP Froebel de Pontevedra viñeron a mariscar a Arcade. Antes de probar sorte co angazo aprenderon o que é unha Confraría de Pescadores, as diferencias entre pesca industrial e artesanal, a diferenciar moluscos... Esperemos que disfrutasen tanto coma nos.