DIVULGACIÓN “PROXECTO COLECTIVO DE XESTIÓN DOS RECURSOS MARISQUEIROS”.

Os principais obxectivos deste proxecto son: o fomento de unha mellor co-xestión dos recursos e hábitats costeiros de importancia para a produción e reproducción dos organismos mariños dun xeito responsáble, equilibrado e sustentable, a recuperación na medida do posible das zonas de produción e polo tanto de todo o entorno mariño, a mellora da calidade de vida dos mariscadores e mariscadoras e un maior coñecemento e concienciación ambiental do entorno no que traballan. Seguimento do esta do ambiental do ecosistema mariño a través das  especies conspicuas e das alóctonas.

Coma obxectivos específicos do proxecto:

• Asesoramento técnico á xestión; vixilancia e control do acceso aos recursos mariños.

• Mellora das condicións ambientais dos habitas costeiros.

• Concienciación do sector da importancia de realizar o seu traballo de maneira sustentable.

• Concienciación do sector da importancia de protexer e potenciar os habitas costeiros.

• Diversificación dos recursos a extraer, atendendo a épocas de maior demanda.

• Recompilación de datos tanto de captura como da situación dos bancos e dos stocks de cada unha das especies comerciais.

• Recompilación de datos de especies non comerciais conspícuas e alóctonas en aplicación dos descritores definidos pola directiva marco para describir o bo estado medio ambiental das zonas.

• Formación de socios.

• Mellora na comercialización.

• Loita contra a contaminación.

ACTIVIDADES REALIZADAS POLA ASISTENCIA TÉCNICA 2024-2025

• Mostraxe dos bancos marisqueiros da área da entidade, cunha periocidade como mínimo semestral, de acordo coa importancia do banco, nivel de datos disponibles, etc., salvo outra periodicidade requirida pola Administración.

• Mostraxes menos formais e máis frecuentes en bancos marisqueiros, atendendo principalmente á proporción de individuos de talla legal na poboación e ao tamaño medio dos exemplares.

• Mostraxes puntuais no caso de episodios de mortalidade nos bancos marisqueiros.

• Tratamento das mostras obtidas, densidades por especie e estación de mostraxe, a partir de esta obtemos a densidade media do banco (intervalo de confianza o 95%). Talla de cada un dos individuos recollidos durante as mostraxes, histogramas de tallas, relación talla-peso. Obtención do máximo rendemento en kg por especie e banco. (Ferramenta informática AROUSA).

• Cálculo do índice de condición do ourizo de mar, nos meses que extraen para a venda.

• Remisión de informes das mostraxes aos servizos técnicos do departamento territorial correspondente da Consellería do Mar (un mínimo de dous informes anuais cada 6 meses). Subida dos datos a ftp do INTECMAR.

• Asesoramento á entidade para a explotación racional do recurso.

• Reunións cos diferentes sectores para informar do estado do recurso, aconsellar períodos de aperturas, posibles peches de zonas, acordar topes…..., 

• Información e formación dos mariscadores e mariscadoras no coñecemento do medio no que traballan e respecto ambiental.

• Elaboración, xestión técnica e seguimento dos plans de explotación da entidade.

• Obtención da CPUE diaria de cada especie, a partir dos datos diarios do número de mariscadores e da captura total de cada especie-recurso para ter unha estimación indirecta do estado dos bancos.

• Remisión mensual dos cadros de captura (CPUE) ao departamento territorial para as aperturas mensuais. Subida dos datos a ftp do INTECMAR.

• Toma de tallas dos exemplares capturados nos puntos de control e lonxa.

• Recollida e envío de mostras de bivalvos solicitados por o Intecmar.

• De ser necesario se poderán coordinar outros proxectos Femp.
  • Presenza nos puntos de control. Control de horarios e capturas dos plans de explotación en Autorizacións, recursos específicos e plans de explotación en Libre marisqueo.

ACTIVIDADES REALIZADAS POLO SERVIZO DE VIXILANCIA 2024-2025

• Vixilancia dos bancos marisqueiros do ámbito territorial da Confraría ,tanto a nivel de furtivismo como de posibles vertidos contaminantes.

• Participación no plan de “nasas de polbo”, punto de control de capturas.

• Formulación de denuncias por infraccións, tramitadas a través da Consellería do Mar.

• Control das mariscadoras que se dedican a mexilla así baixo estrito cumprimento dos convenios asinados cos bateeiros. 

• Axuda a asistencia técnica na recollida de mostras.