A Confraría presta servizos de tipo administrativo, de información sectorial, e de ordenación pesqueira, así como de representación dos membros que a integran e defensa dos seus intereses.

Á súa vez completamos a actividade extractiva encargándonos de realizar a primeira venda dos produtos capturados mediante poxa, ou ben por medio de acordos comerciais con empresas almacenistas e industrias transformadoras.

Os principais servizos administrativos que ofrecemos aos nosos asociados están relacionados coa tramitación de documentación ante as distintas Administracións para o exercicio da actividade pesqueira e marisqueira. Entre elas:

• Licenzas de pesca
• Permisos de explotación
• Despacho de buques
• Enroles e desenroles
• Alternancia de artes
• Cambios temporais de modalidade
• Altas e baixas na Seguridade Social
• Partes de accidente
• Liquidacións tributarias
• Asesoría legal en materia pesqueira
• Información sobre axudas e subvencións, etc.