A Asociación do Percebe de Cariño constitúese o 29 de abril de 2014 coa finalidade de traballar conxuntamente coa Cofradía de Pescadores de Cariño para salvagardar a zona do litoral costeiro adscrita á Cofradía, así como xestionar, tamén de forma conxunta, o plan de explotación de recursos específicos.

Os socios da Asociación son tamén membros da Cofradía.

A Asociación do Percebe xestiona a Lonxa do Porto de Cariño desde xaneiro de 2022, desempeñando as funcións de descarga das capturas das embarcacións, venda en lonxa e prestación de servizos para os usuarios das instalacións.