A Asociación de Mariscadores Fonte de Santa Helena nace no ano 1994 co fin de actuar ante as distintas Administracións Públicas para conseguir o recoñecemento e regulación do marisqueo a pé na lagoa de Baldaio. 

Desde ese momento os membros da asociación traballaron duro para poñer en valor a actividade marisqueira mediante a mellora das súas condicións laborais, a optimización das instalacións e a adaptación á era dixital da súa profesión, sen perder nunca a esencia tradicional do seu traballo.