A Confraría de Pescadores Nosa Señora das Areas de Fisterra é unha corporación de Dereito Público, sen ánimo de lucro, que representa os intereses dos profesionais do sector pesqueiro e que, ao mesmo tempo, actúa como órgano de consulta e colaboración coa Administración, de acordo cos principios de respecto á legalidade, transparencia contable e democracia na súa estrutura interna e funcionamento.

A Confraría de Pescadores Nosa Señora das Areas de Fisterra conta cunha longa tradición e experiencia na organización da pesca, traballando na promoción do sector e na defensa dos intereses económicos, sociais e corporativos dos profesionais do mar.

Na actualidade, agrupa embarcacións e profesionais do sector pesqueiro que desenvolven a súa actividade principalmente en augas das rías galegas e nos caladoiros do Cantábrico e do noroeste, empregando artes e métodos artesanais para a extracción de peixes e mariscos.